Fundur 12. nóvember.

Fundarnefnd nóvembermánaðar er skipuð þeim Ólöfu Þórðardóttur og Sigríði Ólafsdóttur. 

Nóvemberfundurinn verður s.s miðvikudagskvöldið 12.nóvember og hefst kl. 20:00 - Sjáumst

 

Mynd úr bókinni Þjóðlegar hnallþórur.

Kvenfélagsferð

Langþráð ferðalag varð að veruleika dagana 30.október - 2.nóvember s.l þegar tuttugu og þrjár  kvenfélagskonur lögðu land undir fót og flugu á vit ævintýranna í Dublinborg.

Konur hittust um miðja nótt á BSÍ og fóru allflestar með rútu út á Keflavíkurflugvöll.

Mikil tilhlökkun var  í loftinu og stemmingin frábær.  Eftir rétt tveggja tíma flug var lent í Dublin og konur komu sér fyrir á hótelinu.  Veðrið í borginni var með betra móti þar sem haustið hefur að sögn  verið óvenju gott. Regnhlífar komu sér þó vel á laugardeginum en þá rigndi eins og hellt væri úr fötu en það kom þó engan veginn að sök.

Fararstjórinn  Svanhildur Davíðsdóttir hjá Vita ferðum leiðsagði hópnum í rútuferð um borgina á föstudagsmorgninum 31.okt og var sú ferð einkar upplýsandi og fróðleg enda kann Svana sitt fag.

Um kvöldið var kráin Merry Ploughboy við rætur Dublinfjalla heimsótt og naut hópurinn  írskrar skemmtunar eins og hún  gerist sem allra best.  Hljóðfæraleikur, söngur og  önnur skemmtilegheit þeirra hljómsveitarmeðlima í Merry Ploughboy hrifu kvenfélagskonur og aðra áhorfendur á meðan snæddur var dýrindis matur, eins mættu á sviðið frábærir ungir dansarar sem stigu hinn írska steppdans  af mikilli færni.  Okkur kom saman um að engin Dublinarborgarfari ætti að láta þessa  skemmtun framhjá sér fara. 

Á laugardagskvöldinu var svo snætt á veitingastaðnum Bang, Michelinstjörnu staður þar sem við nutum góðs matar og drykks. 

Rölt var um miðborg Dublinar á daginn enda margt að sjá,  verslanir  á hverju strái sem og nóg af veitingastöðunum þar sem tilvalið var að kíkja inná og hvíla lúin bein eftir rölt um tígulsteinsstræti stórborgar, njóta góðra veitinga,félagsskapar og fylgjast með mannlífinu. Utan ofantalins voru konur ekki í nokkrum vandræðum með að eyða tímanum sem leið afskaplega fljótt.  Það voru þreyttar en ánægðar Sifjarkonur sem komu til síns heima úr ferðalaginu, ákveðnar í að láta engin fimmtán ár líða fram að næstu ferð :-) :-) :-)

Fyrsti fundur haustsins - afmælisfundur.

Afmælisdaginn 24.október bar uppá laugardag, félagið 99 ára.  Kvenfélagskonur hittust á veitingastaðnum Heimsenda og snæddu saman dýrindis máltíð.  Dagskráin var ekki skipulögð en upplestur var og ennfremur var rætt nánar um fyrirhugaða Dublinarferð sem óðara var komið að.

Ánægjulegt kvöld í alla staði.

Dagskrá veturinn 2014 / 2015.

 

Vetrardagskrá Kvenfélagsins Sifjar 2014-2015

 

Dagskrá:

24. október.  Fundur

30. október til 2. nóvember.  Ferð til Dublinar

19. nóvember.  Bingó

2. desember.  Fundur

12. janúar.  Fundur

24. janúar.  Þorrablót

3. febrúar.  Fundur

24. febrúar.  Aðalfundur

3. mars.  Fundur

25. mars.  Páskabingó

7. apríl.  Fundur

5. maí.  Fundur

 

 

Hvetjum félagskonur til þess að vera duglegar að taka þátt í starfi félagsins í vetur.  Einnig ef þið hafið einhverjar tillögur fram að færa vegna afmælisárs að koma þeim á framfæri við stjórn.

Stjórnin

 

 

 

Sumar / haust 2014

Þó að sumartíminn sé að heita má fyrir utan hinn eiginlega starfstíma félagsins  var samt nokkuð um að vera eins og gengur.  Sjómannadagskaffið okkar lukkaðist vel að venju.  Félagkonur elduðu plokkfisk fyrir Skjaldborgarhátíðina, tóku síðla sumars  að sér að  sjá um mat og kaffi fyrir ráðstefnu sem haldin var á Patreksfirði um byggðamál.  Við tökum verkefnum fagnandi og allt gengur ljómandi vel hjá samhentum hópi kvenna.

Á næsta ári verður félagið 100 ára og mun starfssemi næsta vetrar án efa  bera nokkur merki undirbúnings þeirra merku tímamóta.  

Í lok október ætla 23 Sifjarkonur að bregða undir sig betri fætinum og heimsælkja Dublin á Írlandi og má segja að ferðalagið sé langþráð en engin ferð hefur verið farin á vegum félagsins í rúman áratug.

Svona í lokin má geta þess að Kvenfélagið Sif er á Fésbókinni.

 

 

Síðasti saumafundur vetrarins.

Síðasti saumafundur vetrarins var haldinn á Fosshótel Vestfjörðum þ. 5. maí s.l  þar sem vel á þriðja tug félagskvenna mættu og snæddu dýrindis máltíð.   Ferðanefndin kynnti frekar fyrirhugaða ferð til Dublinar í lok október og miðað við könnun stefnir í fína þáttöku í ferðinni.

Vetrarstarfi er formlega lokið en framundan Sjómannadagskaffi og sitthvað fleira.

Við hittumst svo venju samkvæmt til formlegra vetrarstarfa í kringum afmæli félagsins 24.október en þangað til njótum við sumarsins hver sem best getur.

 

 

 

Saumafundur

Saumafundur

 

Kvenfélagsins Sifjar verður mánudaginn 14. apríl kl. 20 í fundarsal F.H.P.

 

Ath!

Að á fundinum verður spennandi erindi tekið fyrir og síðan verður fyrirhuguð ferð í haust  kynnt fyrir okkur.

 

Mætum nú allar og eigum kósý kvöldstund saman svona í upphafi dymbilvikunnar J

 

Ekki má gleyma hinu margrómaða saumafundarkaffihlaðborði í boði nefndarkvenna og síðan en ekki síst fá allar óvæntan glaðning.

 

Hittumst heil

Nefndin

Fermingar 2014

Hér að neðan er listi fermingarbarna vorið 2014.   Þau leiðu mistök áttu sér stað að föðurnafn eins fermingarbarns misritaðist og húsnúmer í heimili annars.  Beðist er velvirðingar á þessum mjög svo leiðu mistökum.

 

Fermingar  2014

Kvenfélagið Sif býður að uppá heillaskeytasölu  líkt og undanfari ár. Hvert skeyti kostar kr. 700,-   Þeir sem hafa hug á að senda skeyti til fermingarbarna eru beðnir að merkja við nafn barns, skrifa sendanda neðst á blaðið  og koma því  til Önnu Guðmundsdóttur, Aðalstræti 78 eða Nínu Jóhannesdóttur Bjarkargötu 3 ásamt greiðslu fyrir skeytin.   

Ath.  Síðasti móttökudagur listans er mánudagurinn 14. apríl.

Fermdur í Reykjavík þann 6. apríl.

Birkir Davíðsson                                            Þórsgötu 1

Fermd í Patreksfjarðarkirkju 17. apríl, skírdag.

Arnór Rafn Halldórsson                                Bjarkargötu 8        

Jón Hákon Egilsson                                      Aðalstræti 122                   

Jón Þór Guðmundsson                                  Aðalstræti 116a                 

Sæmundur Helgi Barðason                           Aðalstræti 115                   

Gabríel Már Geirsson                                    Hjöllum 20              

Kristján Kári Ágústsson                                Þórsgötu 2                          

Einar Jónsson                                               Bjarkargötu 6

Þórður Helgi Halldórsson                               Strandgötu 11a

Guðbjartur Ingi Felixsson                              Hólum 17

Þorleifur Jóhannesson                                   Túngötu 19

Halldór Örn Eggertsson                                 Bölum 6

Ólafía Sigurrós Einarsdóttir                            Mýrum 19

Sveinbjörn Styrmir Gíslason                           Brunnum 25

Erlingur Hrafn Helgason                                 Sigtúni 6

                  

                  

Páskabingó kvenfélagsins Sifjar.

Páskabingó verður haldið miðvikudaginn 9. apríl í Félagsheimili Patreksfjarðar og hefst kl. 20:00.

Aðgangur er kr. 1.000,- fyrir fullorðna og kr. 500,- fyrir börn.  Aukaspjald kostar kr. 300,-

Kaffi, te og djús 

Sjáumst sem flest !   Nefndin :-)

 

 

 

Saumafundur

 

Saumafundur marsmánaðar verður haldinn í FHP (fundarsal) 15.mars kl. 11:00.

Hittumst hressar og kátar :-)

Nefndin.

 

 

P.s   Eru ekki allar með eitthvað á prjónunum ?