Kvenfélagið Sif 95 ára þann 24. október.

 

 

 

 Þann 24. október eru liðin 95 ár frá stofnun Kvenfélagsins Sifjar og  gengu 60 konur í félagið á fyrsta fundi þess.  Sigríður Sigurðardóttir hjúkrunarkona var aðalhvatamaður að stofnun félagsins og einnig fyrsti formaður eða forstýra eins og nefnt er í gömlum pistli.  Aðrar í stjórn voru Sigríður Einarsdóttir frá Munaðarnesi ritari, gjaldkeri var Þóra J. Björnsson.

Markmið félagsins var og er í lögum, "að efla allskonar samvinnu og samúð  meðal félagskvenna í hverju og einu er snertir framför í sveitar, héraðs og landsmálum.  Að stuðla að hverskonar líknarstarfssemi innan héraðs á þann hátt sem við þykir eiga í hvert sinn.  Efla reglusemi og siðsemi á félagssvæðinu á meðal hinnar uppvaxandi kynslóðar".

Í ljósi sögunnar má ætla að andrúmsloftið á þessum árum hafi verið blandið baráttuhug.  Konur fengu að sönnu kosningarétt til Alþingis þ. 19. maí,  sama ár og Kvenfélagið Sif var stofnað. Þó aðeins konur sem voru 40 ára og eldri.  Samtímis fengu vinnumenn kosningarétt með sömu skilyrðum og konur.  Með sambandslagasamningi Dana og Íslendinga árið 1920  jafnaðist svo kosningaréttur karla og kvenna en um þetta má t.d lesa á vef Kvennasögusafns Íslands.

Félagskonur í Kvenfélaginu Sif hafa alla tíð unnið af ósérhlífni að málefnum samfélagsins á margvíslegan hátt.  Stutt dyggilega við Sjúkrahúsið, Patreksfjarðarkirkju, skólana og björgunarsveitarstarf svo eitthvað sé nefnt.  Innan félagsins er starfandi Hjálparsjóður sem stofnaður var sérstaklega til  hjálpar sjúkum og bágstöddum.   Kvenfélagið Sif hefur notið góðrar samvinnu við fyrirtæki og einstaklinga á svæðinu í fjáröflunarvinnu sinni, auk þess sem fjölskyldumeðlimir félagskvenna hafa verið félaginu ómetanlegur stuðningur, oftar en ekki með  ómældri aðstoð í kringum fjáröflunarviðburði. Þekktastur slíkra viðburða er  Þorrablótið sem haldið er ár hvert og fyrir það útbúa konur allan mat og semja skemmtiatriði. Einnig hefur félagið staðið fyrir hinum ýmsu námskeiðum í gegnum tíðiðna.  Til gamans má geta að fundargerðarbækur félagsins eru til frá upphafi og eru merk heimild um starfsemina og bæjarbraginn á hverjum tíma.

Núverandi formaður Kvenfélagsins Sifjar er Sigríður Ólafsdóttir en aðar í stjórn eru:

Ásdís Lilja Hilmarsdóttir ritari, Nína Erna Jóhannesdóttir gjaldkeri.   Helga Bjarnadóttir er varaformaður en aðrar varamanneskjur í stjórn eru Dröfn Árnadóttir og Sandra Skarphéðinsdóttir.

Heiðursfélagar eru þær Guðrún Halldórsdóttir, Lilja Jónsdóttir og Jóhanna Þórðardóttir.

 

 

 

 

 

 

Fyrsti fundur laugardaginn 23.október

 

Samkvæmt dagskránni verður fyrsti fundur vetrarins laugardaginn 23. október og verður hann haldinn í Safnaðarheimili Patreksfjarðarkirkju kl. 13:00.

Konur eru hvattar til að mæta og bjóða með sér gestum.

 

Vetrardagskráin 2010 - 2011

 

Dagskrá Kvenfélagsins Sifjar veturinn 2010-2011

Stjórn Kvenfélagsins Sifjar hefur sett niður dagskrá vetrarins og er hún með hefðbundnu sniði. Þó var sú breyting gerð á að við ákváðum aðeins vikuna sem saumafundir eiga að vera í, en umsjónarkonur hvers fundar ákveði sjálfar nákvæma dagssetningu eftir því hvað þeim finnst henta á hverjum tíma og auglýsi hana vel fyrir hvern fund. Jafnframt er stefnan að brydda upp á einhverju skemmtilegu eða fræðandi (nema hvorutveggja sé) á hverjum saumafundi, s.s. fyrirlestri, kynningu eða stuttu námskeiði.

Dagskráin er svohljóðandi:

23. október                      Skemmtifundur, með maka eða gesti

6. nóvember                     Bingó hjálparsjóðsins

8. - 14. nóv.                      Saumafundur

13. nóvember                   Laufabrauðsfundur

 6. - 12. des.                     Saumafundur

 3. - 9. jan                         Saumafundur

22. janúar                         Þorrablót

7. -13. feb.                        Saumafundur

17. febrúar                        Aðalfundur

7. - 13. mars                     Saumafundur

4. - 10. apríl                      Saumafundur

? apríl                                Páskabingó ?

2. - 8. maí                         Lokafundur/saumafundur         

 

Allir almennir fundir/saumafundir verða að Bjarkargötu 7, nema annað sé auglýst sérstaklega, en stærri fundir í félagsheimilinu.

Með bestu kveðju,

Stjórnin.

 

Aðalfundur Sambands Vestfirskra kvenna.

Að hausti er venja að fulltrúar Kvenfélaganna á Vestfjörðum hittist á aðalfundi Sambands Vestfirskra kvenna, hér eftir nefnt S.V.K.

Þann 11. september n.k verður aðalfundur S.V.K   haldinn á Þingeyri.  Gestgjafar að þessu sinni eru Kvenfélögin Von á Þingeyri og Kvenfélag Mýrahrepps. 

S.V.K.  var stofnað á Ísafirði þ. 3.maí 1930 og er því 80 ára.  Fyrsti formaður  var Rósa Kristjánsdóttir en hún gengdi embætti formanns aðeins í eitt ár því hún flutti burt af svæðinu.  Við  embættinu tók Estíva Björnsdóttir á Þingeyri og var formaður næstu 10 árin.  

Innan vébanda S.V.K  eru fjölmörg Kvenfélög á Vestfjörðum.  Á aðalfundum hittast fulltrúar Kvenfélaganna, segja frá starfssemi sinna félaga, kynnast og styrkja tengsl.   Boðið er uppá námskeið eða erindi og oftar en ekki kemur aðili og kynnir einhverja starfssemi sem er í gangi á svæði gestgjafa aðalfundarins. Fulltrúi Kvenfélagasambands Íslands mætir en S.V.K er aðili að K.Í.

Núverandi formaður SVK er Helga Dóra Kristjánsdóttir sem búsett er í Tröð í Önundarfirði.

 

 

 

 

17. júní 2010 - Gleðilega hátíð !

Hefðbundin starfssemi ýmissa félaga liggur að mestu niðri yfir sumarmánuðina og það á við um starfssemi Kvenfélagsins Sifjar.  

Njótið sumars og sólar kæru Kvenfélagskonur og aðrir lesendur þessarar síðu.

 

 

 

 

Saumafundur (athugið breyttan fundarstað).

Sifjarkonur.

 

Síðasti saumafundur vorsins 2010

 

Mánudaginn 10. maí 2010 verður síðasti saumafundur Kvenfélagsins Sifjar fyrir sumarhlé.

 

Kl. 20:00 í fundarsal FHP.

 

Hittumst spriklandi glaðar og kátar að vanda.

 

Nefndin

                                                                                                                                

Heillaskeyti Kvenfélagsins Sifjar.

 Höfum fengið ný skeyti og þá nýjar myndir. Hér að ofan er hluti skeytaúrvalsins.  Tvær nýjar myndir eru  eru  af þorpinu Patreksfirði og tvær blómamyndir.

Einnig eru til eldri útgáfur skeyta og myndirnar á þeim ekki síður fallegar þó að gamlar séu.

Svo sem  gamlar  Patreksfjarðarmyndir  og mynd tekin inni í Patreksfjarðarkirkju og sýnir altari og umhverfi þess.  Allt mjög fallegar myndir og skeytin smekkleg.

Verðið er kr. 500,- .

Móttaka skeytabeiðna er hjá :

Önnu Guðmundsdóttur s. 4561261 eða 8953004

eða Öldu Hrund Sigurðardóttur s. 4561557 eða 8656022.

 

 

 

 

 

Hægt er að stækka myndirnar með því að tvísmella á skeytið. Það skal þó tekið fram að myndirnar á skeytunum sjálfum eru mun hreinni og skýrari en þær koma fram hér.

S a u m a f u n d u r

 

Saumafundur aprílmánaðar verður í Björkinni

mánudagskvöldið 12. apríl kl. 19:30.

Sjáumst hressar og kátar.

Nefndin / Elsa Nína og Jensína.

Gleðilega páskahátíð.

Bestu óskir um gleðilega páskahátíð. 

Einnig eru fermingarbörnum og fjölskyldum þeirra sendar innilegar hamingjuóskir í tilefni fermingardagsins 1. apríl. 

 

 

 

 

F e r m i n g a r s k e y t i

Eins og undanfarin ár mun Kvenfélagið Sif sjá um sölu á fermingarskeytum

Blað með neðangreindum nafnalista verður borið út í hvert hús á Patreksfirði og þurfa pantanir að berast fyrir

föstudaginn 26.mars.

Verð pr. skeyti er   KR.   500,-

Móttaka er hjá :     Nínu E. Jóhannesdóttur         Bjarkargötu 3         sími 456-1232

  eða   Önnu Guðmundsdóttur        Aðalstræti  78      sími 4561261 og 8953004

 

 Fermingarbörn í Patreksfjarðarkirkju 

Skírdag  1.apríl 2010

 

Árný Magnúsdóttir                                       Mýrum 17

Birgitta  Rán Óskarsdóttir                           Aðalstræti 127

Elísabet Anna Hermannsdóttir                    Brunnum 10

Erna Jensína Guðmundsdóttir                     Sigtúni 25

Freydís Eva Hallsdóttir                                Sigtúni 9

Kara Gunnarsdóttir                                      Aðalstræti 76

Klara Ösp Sveinbjörnsdóttir                       Stekkum 13

Kristín Erna Úlfarsdóttir                              Aðalstræti 122A

Sindri  Freyr Jóhannesson                          Aðalstræti 121

Steinar Oddsson                                          Aðalstræti 72

Victoría Kristín Geirsdóttir                          Hjöllum 20

 

Linda Kristín Smáradóttir, Hjöllum 18, fermist í Bíldudalskirkju

á Hvítasunnudag 23.maí.