Í ársbyrjun 2013

Gleðilegt árið og takk fyrir allt liðið kæru kvenfélagskonur og allir aðrir sem hafa lagt hönd á plóg til að gera  starfssemi Kvenfélagsins Sifjar árangursríka.

Kvöldstund í desember hittust konur með gestum sínum í Félagsheimili Patreksfjarðar, rétt 40 manns mættu og snæddu dýrindis jólamat  og ýmislegt var  gert til skemmtunar.

Á milli jóla og nýjárs héldu Sifjarkonur og Lionsmenn hið árlega jólaball fyrir börnin og það lukkaðist með ágætum.

Má segja að náttúröflin hafi séð til þess að árið endaði og það nýja hófst með látum, við vorum enn á ný minnt á hvað við megum okkar lítils þegar ógnaröfl náttúrunnar og þ.m veðurfars eru annars vegar.  Við á suðurfjörðum Vestfjarða sluppum þó betur en margur.  

Nú er sólin farin að skína og daginn lengir,  það styttist í Þorrablótið okkar  og ekki ástæða til annars en að líta  glöð til ársins 2013.  Við  sláum hvergi af í þeirri viðleitin okkar að gera gott líf betra og styrkja samfélagið og þar með okkur sjálf með ýmsum hætti.

Fyrsti saumafundur árisns verður í fundarsal F.H.P mánudagskvöldið 14.jan kl. 20:00.  Mætum sem flestar og eigum góða kvöldstund saman á þessum fyrsta mánaðarlega fundi ársins 2013.

 

 

 

BINGÓ vinningar matarpakkar og fleira gott, MIÐVIKUDAGINN 14. NÓV.

Bingó -  verður miðvikudaginn 14.nóvember í Félagsheimili Patreksfjarðar og hefst kl. 19:30.

Aðgangseyrir fyrir fullorðna kr. 1.000,- og kr. 500,- fyrir börn.

Innifalið er kaffi, te, djús og eitt bingóspjald.

Auka bingóspjald kostar kr. 200,-

Verið hjartanlega velkomin,

Nefndin.

Töskugerðarnámskeiðið frábæra laugardaginn 17.nóvember !!

Laugardaginn 17.nóvember stendur Kvenfélagið Sif fyrir námskeiði í leðurtöskugerð.

Námskeiðið stendur frá kl. 10:00 - 15:00.

 

Á námskeiðinu læra konur að sauma töskur úr leðri annaðhvort úr gömlum flíkum, s.s leðurbuxum, leðurjökkum eða úr nýju leðri.  Konur þurfa að koma með saumavélar og "gamlar" leðurflíkur ef þær ætla að nota það hráefni.  Kolbrún útvegar allt annað efni sem þarf til viðbótar s.s nýtt leður, roð, fóður, lím, rennilása, tvinna, rennilása, smellur, kósa og fl. og er það allt selt á kostnaðarverði.

Leiðbeinandi er Kolbrún Sveinsdóttir kjóla og klæðskerameistari og handmenntakennari.

Verð kr. 10.000,-

Allar konur velkomnar og skráning hjá Sigríði Ólafsd. í síma8492429 eða 4561512

Stjórnin 

 

 

 

Vetrardagskrá 2012-2013

Stjórn Sifjar hefur sett niður dagskrá vetrarins og er hún með nokkuð hefðbundnu sniði.  Jafnframt er stefnan sú að brydda uppá einhverju bæði skemmtilegu og fræðandi á hverjum saumafundi, s.s. fyrirlestri, kynningu eða stuttu námskeiði.

Vetrarstarfið hófst  laugardaginn 27.10. með því að félagskonum var boðið í "brunch" í Félagsheimili Patreksfjarðar.  Þessi fyrsta samverustund  heppnaðist vel, fín mæting, fengum góðan gest en hann var  sóknarpresturinn okkar Sr. Leifur Ragnar Jónsson.

Dagskrá vetrarins verður svo sem hér segir en verður auglýst sérstaklega sem og fundarstaður:

 7.nóvember          Bingó hjálparsjóðsins

12.nóvember          Saumafundur

 3.desember          Saumafundur

 7.janúar                Saumafundur

26.janúar               Þorrablót

13.febrúar             Aðalfundur

11.mars                 Saumafundur

15.apríl                  Saumafundur

6.maí                     Lokafundur

 

Aðalfundur SVK 2012

Aðalfundur Sambands Vestfirskra kvenna verður haldinn n.k laugardag 22. september.

Samkvæmt venju  skiptast Kvenfélögin á Vestfjörðum á um að halda aðalfundina og  að þessu sinni verða gestgjafar fundarins félagskonur í Kvenfélaginu Sif á Patreksfirði. Fundarstaður verður Félagsheimilið á staðnum.

Utan hefðbundinna aðalfundarstarfa verður briddað uppá ýmsu bæði í formi fræðslu og skemmtunnar.  Konur hittast svo aftur að fundi loknum og snæða saman hátíðarkvöldverð.

 

 

 

Saumafundur í maí.

Síðasti saumafundur á þessum starfsvetri  verður

mánudaginn 7.maí kl. 20:00 í "Björkinni" íbúð okkar félagskvenna.

Mætum sem flestar og eigum góða kvöldstund saman fyrir sumarfrí.

Nefndin

 

 

Saumafundur í apríl

Saumafundur aprílmánaðar verður mánudaginn 16.apríl kl. 20:00.

Að þessu sinni verður fundurinn haldinn í íbúðinni okkar Björkinni.

                                                           Sjáumst hressar,

                                                           Guðný og Karólína Guðrún.

Heillaskeytasala Kvenfélagsins Sifjar

Við viljum minna á heillaskeytasölu Kvenfélagsins Sifjar.  Allur ágóði skeytasölunnar rennur til þeirra fjölmörgu góðu málefna sem félagið styður við með starfssemi sinni.

Skeytin sendum við hvert á land sem er s. s.  v/ferminga, afmæla eða hvers þess tækifæris sem fólk kýs að samgleðjast öðrum við.  Skeytin eru hóflega verðlögð og mjög svo falleg.

Umsjón skeytasölunnar er hjá Önnu Guðmundsdóttur s. 8953004 eða Steinunni Sturludóttur s. 8976714.

Hér má sjá  tvær af fjórum myndum sem prýða skeytin.  

 

 

Páskabingó

Páskabingó verður  haldið í Félagsheimili Patreksfjarðar miðvikudaginn 4. apríl og hefst kl. 19:30.

Fjölmargir góðir vinningar.

Mætum öll og styðjum gott málefni en allur ágóði bingósins rennur í Hjálparsjóð félagsins.

Nefndin.

 

 

Framundan - námskeið í töskugerð - allar konur velkomnar.

 

 

NÁMSKEIÐ Í TÖSKUGERÐ

Kvenfélagskonur og aðrar konur !

Laugardaginn 31.mars stendur Kvenfélagið Sif fyrir námskeiði í leðurtöskugerð.

Námskeiðið stendur frá kl. 10:00 - 15:00.

Á námskeiðinu læra konur að sauma tösku úr leðri annað hvort úr gömlum flíkum s.s. leðurbuxum eða - jökkum eða saumað er úr nýju leðri.  Konur þurfa að koma með saumavélar og "gamlar" leðurflíkur.  Kolbrún útvegar allt annað efni sem þarf til viðbótar, s.s. nýtt leður, roð, fóður, lím, rennilása, tvinna, smellur, kósa og fl.  og er það allt selt á kostnaðarverði.

Leiðbeinandi:  Kolbrún Sveinsdóttir, kjóla- og klæðskerameistari og handmenntakennari.

Verð 10.000,-  Hægt er að skrá sig hjá Siggu, sími 849-2429 eða 456-1512, [e-mail]

ALLAR konur velkomnar !

Stjórnin.