Saumafundur

 

 Saumafundur verður haldinn laugardaginn 15. febrúar kl. 11:00 í fundarsal F.H.P.

Sjáumst hressar :-)

Nefndin

 

 

 

 

Aðalfundur

 

Kvenfélagið Sif auglýsir aðalfund sinn miðvikudaginn 19.febrúar.  Fundarstaður er fundarsalur  Félagsheimilis Patreksfjarðar og hefst fundurinn  kl. 18:00.

Dagskrá:

Venjuleg aðalfundarstörf

Farið verður yfir lög félagsins

 

Nýjir félagar velkomnir.

 

Stjórnin

 

Af starfssemi félagsins 2013/2014

Langt er liðið frá síðustu færslu  hér á bloggsíðunni en síður en svo að lognmolla hafi verið yfir starfssemi Kvenfélagsins Sifjar.

Síðan vetrarstarfi 2012/2013 lauk með síðasta fundi s.l vor  hefur margt verið í gangi hjá félagskonum.  Við Patreksfirðingar fengum flott  hótel í bæinn, Fosshótel Vestfirðir heitir það og var opnað með viðhöfn snemma s.l sumar.  Við kvenfélagskonur fengum það verkefni að þrífa herbergi og hengja upp gardínur, það reyndist hið ánægjulegasta verkefni í alla staði.

Við höfðum umsjón með plokkfiskveislu þeirri sem hefð er orðin fyrir að gestir Skjaldborgarhátíðarinnar sæki. 

Sjóstangveiðifólk leitaði til okkar v/árlegs mótshalds og við sáum um að gott kaffimeðlæti biði veiðiklónna þegar komið var að landi.  Við sáum sömuleiðis um kaffi á ráðstefnu um Fiskeldi sem haldin var hér á haustmánuðum.  

Vetrarstarfið hófst svo í haust sem leið með því að konur fóru með maka/gest í kvöldverð á Fosshótel Vestfirði og áttu þar frábæra kvöldstund.  Hefðbundnir mánaðarlegir fundir sem við köllum "saumafundi" eru haldnir og janúarfundurinn var  haldinn laugardaginn 18.janúar á kaffihúsinu Stúkuhúsinu.  Þar mættu konur í dásemdar brunch að hætti hússins. 

Framundan er svo árlegt þorrablót en það verður n.k laugardag 25.jan í Félagsheimili Patreksfjarðar.  Þegar veitingum og skemmtiatriðum hafa verið gerð skil leikur hljómsveitin Ulrik fyrir dansi fram á rauða nótt.

Meðfylgjandi myndir eru teknar á fundinum í Stúkuhúsinu.

 

Síðasti saumafundur vetrarins mánudaginn 6.maí.

Auglýsing frá nefnd:

Kæru Sifjarkonur

Jæja þá er veturinn búinn samkvæmt dagatalinu og líður að síðasta fundi (saumafundi) okkar fyrir sumarfrí.  Við stöllurnar í nefndinni, höfum ákveðið að fundurinn skuli haldinn í Stúkuhúsinu mánudaginn 6.maí stundvíslega kl. 20:00.  Boðið verður uppá léttan kvöldverð, konur greiða venjulegt saumafundargjald sem er í dag kr. 1.000,- samkvæmt ákvörðun aðalfundar 2013.

Vinsamlegast látið okkur vita tímanlega um mætingu eða eigi síðar en á fimmtudagskvöldið 2.maí.

Með kvenfélagskveðju

Jóna Júlía  s. 6903105 og Elsa Nína s. 8251120.

Saumafundur mánudaginn 15.apríl n.k.

Eftirfarandi var sent bréflega  til allra félagskvenna: 

Mánudaginn 15. apríl n.k verður haldinn saumafundur Kvenfélagsins Sifjar í fundarsal Félagsheimilis Patreksfjarðar og hefst hann kl. 20:00.

Nú er búið að selja íbúðina við Bjarkargötu 7 og stjórnin mun gefa nánari upplýsingar þar um á fundinum.

Bestu kveðjur,

Stjórn Kvenfélagsins Sifjar.

Í Dymbilviku

Á skírdag var fermingardagur á Patreksfirði og  eins og fram kemur hér að neðan voru það sjö stúlkur sem fermdust hér á þessu vori.  Kvenfélagskonur hafa um langt árabil sinnt því ánægjulega hlutverki að hugsa um fermingarkirtlana  sem börnin skrýðast.  Í því felst m.a að sjá  um að kirtlarnir passi þeim hópi fermingarbarna sem fermast hverju sinni og sjá um að allt sé eins og það á að vera.

Kvenfélagið sendir nýfermdum stúlkum hamingju og góðar framtíðaróskir.

Á þriðjudeginum 26. mars var svo árlegt páskabingó.  Mæting var afbragðsgóð og rennur allur ágóði bingósins að vanda til hjálparsjóðs Sifjar.  Bingógestum og öðrum þeim sem styrktu gott málefni er þakkað. 

Ferming í Patreksfjarðarkirkju

Á Skírdag þ. 28. mars kl. 14:00  fermast sjö stúlkur í Patreksfjarðarkirkju.

Kvenfélagið Sif stendur að venju fyrir heillaskeytasölu, verð hvers skeytis er kr. 700,-

Listar með nöfnum  fermingarstúlkna fara   í hvert hús á Patreksfirði,  fólk beðið  að merkja við þau nöfn sem  senda á til og afhenda listann ásamt greiðslu eigi síðar en 25.mars til  Steinunnar Sturludóttur, Brunnum 7, sími 4561425 eða Önnu Guðmundsdóttur, Aðalstræti 78, sími 8953004.

Fermdar verða:

Aníta Arnbjörg Haraldsdóttir          Mýrum 16      

Arna Lea Magnúsdóttir                  Sigtúni 1

Bjarnveig Ólafía Pálsdóttir              Mýrum 9

Guðrún Ýr Grétarsdóttir                 Hjöllum 2

Sæunn María Vignisdóttir                Brunnum 12

Sigrún Hermannsdóttir                   Brunnum 10

Saga Ólafsdóttir                             Sigtúni 4

Saumafundur 11. mars

Saumafundur marsmánaðar verður mánudaginn 11. mars kl. 20:00 í fundarsal F.H.P.

Við eigum von á góðum gesti.

Sjáumst

Anna Guðmunds og Sigríður Ólafs.

Aðalfundur Kvenfélagsins Sifjar 2013

 

Stjórn  Kvenfélagsins Sifjar hefur auglýst aðalfund félagsins  sem verður haldinn í Félagsheimili Patreksfjarðar miðvikudaginn 13. febrúar kl. 18:30.

Dagskrá:   Venjuleg aðalfundarstörf.

 Nýjar félagskonur velkomnar.

 

 

Þ o r r a b l ó t

 

Hið Árlega Þorrablót Kvenfélagsins Sifjar verður haldið í í Félagsheimili Patreksfjarðar laugardaginn 26. janúar.  

Húsið opnar kl. 19:00 en borðhald hefst kl. 20:00.  

Hljómsveitin Nýja band Keisarans leikur fyrir dansi.

Áskriftarlistar liggja frammi í verslununum Albínu og Fjölvali.  Miðasala verður í F.H.P föstudaginn 25. janúar kl. 19:00 - 20:00.   Miðaverð er kr. 7.500,-