Aðeins af starfssemi Sifjar.

Starfssemi  Kvenfélagsins Sifjar liggur niðri yfir sumarmánuðina en Sjómannadagskaffið hefur verið fastur punktur í starfinu til margra ára og er það síðasta sem við vinnum við fyrir sumarfrí nema að sjálfsögðu að eitthvað sérstakt komi til.  Á aðalfundi velst  í nefndina sem sér um kaffið og þar að auki eru eins og venjulega allar hendur vel þegnar til að aðstoða við uppvask og annan frágang á eftir.  

Fjórar konur sáu um að elda fyrir plokkfiskveislu Skjaldborgarhátíðarinnar þ. 30. maí og gekk það mjög vel.  Veislan var eins og segir í dagskrá hátíðarinnar, í boði Odda hf.   Ánægjulegt  að sjá svo mikinn fjölda þáttakenda hátíðarinnar, aðkomnir sem og heimamenn njóta þessara daga hér á Patreksfirði út í ystu æsar enda dagskráin þétt.

Framundan hjá Kvenfélögum á landsvísu  er svo Landsþing Kvenfélagasambands Íslands sem verður haldið á Hótel Stykkishólmi dagana 26.-28. júní n.k.  Stjórnir Kvenfélaganna fá boð um þingið en öllum félagskonum er að sjálfsögðu frjálst að mæta.  Dagskrá þessa 35. landsþings K.Í má nálgast hér.

 

F E R M I N G A R S K E Y T I

Eins og undanfarin ár mun Kvenfélagið Sif sjá um sölu á fermingarskeytum.  Listi með nöfnum fermingarbarna sem fermast í Patreksfjarðarkirkju á Hvítasunnudag þ. 31. maí verður borinn  í hvert hús á Patreksfirði og fólk hvatt til að merkja við og skila listanum svo  með greiðslu til Nínu Ernu eða Önnu.  Þeim sem fjarri eru er velkomið að hafa samband símleiðis :

 

Nína E. Jóhannesdóttir, Bjarkargötu 3  s. 4561232 eða 8953821

Anna Guðmundsóttir, Aðalstræti 78, s. 4561261 eða 8953004.

 

Nöfn fermingarbarna

Svandís Helga Hjartardóttir              Aðalstræti 17

Kolfinna Esther Bjarkadóttir            Aðalstræti 87a

Eyrún Lind Árnadóttir                       Túngötu 18

Perla Ösp Jónsdóttir                         Bjarkargötu 6

Ingibjörg Freyja Gunnarsdóttir       Brunnum 9

Kristófer Ísar Ingimundarson          Hjöllum 4

Birkir Freysson                                   Mýrum 2

Valur Smárason                                 Sigtúni 10 

 

Síðasti fundur vetrarins.

Síðasti fundur  samkv. dagsrká vetrarins   var haldinn mánudaginn 11. maí í Björkinni, íbúðinni okkar að Bjarkargötu 7.

Á fundinn mættu góðir gestir og komu þeir færandi hendi.

Sr. Leifur Ragnar Jónsson  færði félaginu Biblíu að gjöf frá Patreksfjarðarkirkju. Biblían er í afar vönduðu og fallegu bandi, merkt Kvenfélaginu Sif.     

Ingrid Guðmundsson færði félaginu sjúkrapúða sem er gjöf frá henni og syni hennar Guðmundi Otra Sigurðssyni.  

Á myndunum hér að neðan má sjá Sigríði Ólafsdóttur formann Sifjar taka við gjöfunum úr höndum þeirra Sr. Leifs Ragnars og Ingridar. Fleiri myndir frá fundinum eru í myndaalbúmi.

 

 

 

 

 

Freistandi fíkjubrauð og kæfa

 

 

1 bolli fíkjur

1 bolli vatn

2 bollar hveiti

1 bolli sykur

1 tsk. matarsódi

1 egg

1 bolli mjólk

Aðferð:

Sjóðið vatn í potti, skerið fíkjurnar

smátt og bætið út í pottinn. Hrærið

í þar til verður létt maukað saman.

Setjið hveiti, sykur, matarsóda, egg

og mjólk í skál, bætið fíkjumaukinu

út í og blandið vel saman með

sleif. Setjið í smurt brauðform og

bakið í neðstu rim í ofni við 180°C

í klukkutíma.

Gómsæt haustkæfa

3 kg feitt lambakjöt

2 stórir laukar

pipar

salt

season all

aromat

nokkur lárviðarlauf, eftir smekk

1 kg tólg

 

Aðferð:

Sjóðið kjötið og látið malla í nokkra

stund þar til það er vel meyrt.

Hakkið síðan kjötið ásamt lauknum

og blandið saman í hrærivélaskál.

Bræðið tólgin og bætið saman við

ásamt fíntskornum lárviðarlaufum.

Kryddið eftir smekk og hrærið vel

saman og nokkuð lengi í hrærivélinni

eða þar til rétt bragð fæst.

Setjið í form og kælið.

Nýverið áskotnaðist matardálkahöfundi

Bændablaðsins kassi

með úrvali gamalla og nýrra

uppskrifta sem honum fannst

mikill fengur í. Ekki síst fyrir

þær sakir að í mörgum hinna

eldri uppskrifta leyndist hver

fjársjóðurinn á fætur öðrum.

Undantekningarlaust eru eldri

uppskriftirnar fljótlegar og auðveldar

í lögun og hér fylgja því

tvær slíkar að þessu sinni.

Úr Bændablaðinu 23. sept 2008

 

 

Myndir...

frá maífundinum í myndaalbúmi

(:) FUNDARBOÐ (:)

Sjómannadagsnefnd boðar til fundar í Björkinni

fimmtudaginn 14. maí kl 17:00

Saumafundur maímánaðar

Saumafundur maímánaðar verður í Björkinni

mánudaginn 11. maí kl. 20:30

Von er á góðum gesti

Nefndin