Í Dymbilviku

Á skírdag var fermingardagur á Patreksfirði og  eins og fram kemur hér að neðan voru það sjö stúlkur sem fermdust hér á þessu vori.  Kvenfélagskonur hafa um langt árabil sinnt því ánægjulega hlutverki að hugsa um fermingarkirtlana  sem börnin skrýðast.  Í því felst m.a að sjá  um að kirtlarnir passi þeim hópi fermingarbarna sem fermast hverju sinni og sjá um að allt sé eins og það á að vera.

Kvenfélagið sendir nýfermdum stúlkum hamingju og góðar framtíðaróskir.

Á þriðjudeginum 26. mars var svo árlegt páskabingó.  Mæting var afbragðsgóð og rennur allur ágóði bingósins að vanda til hjálparsjóðs Sifjar.  Bingógestum og öðrum þeim sem styrktu gott málefni er þakkað.