Páskabingó !

Páskabingó

 

 Hjálparsjóður Kvenfélagsins Sifjar heldur páskabingó í Félagsheimili Patreksfjarðar

laugardaginn 4. apríl klukkan 14.

 

Páskaegg-Páskaegg-Páskaegg-Páskaegg .

 

Mætum öll og styðjum  gott málefni.

 

Mynd  af vef Nóa Síríus.

 

Heimilistæki óskast.

Við óskum eftir kæliskáp m/frystihólfi til kaups. 

 

 

 

Eins vantar okkur sjónvarpstæki og þá helst  fyrir lítið sem ekkert.  Ef einhver á tæki í fórum sínum sem viðkomandi vill losa sig við þá endilega hafið samband við undirritaðar:

 

Önnu  s. 8953004

Elsu Nínu s. 8251120

Jensínu s. 8974700 

 

 

Heimsókn í Félagsmiðstöðina Vest-End

Á aðalfundi Sifjar 2008 var ákveðið  að gefa peningaupphæð til Félagsmiðstöðvarinnar Vest-End á Patreksfirði.   Kvenfélagskonur heimsóttu krakkana og við það tækifæri var gjöfin formlega afhent.  Bergrún Halldórsdóttir hefur umsjón með félagsstarfinu  og á efstu myndinni sést hún taka við gjafabréfi úr hendi Sigríðar Sigurðardóttur fráfarandi formanns Sifjar.  Það var ánægjulegt að heimsækja krakkana og sjá hvað boðið er uppá í tómstundum  þeirra.

 

 

 

 

 

 

 

Saumafundur í Björkinni...

 

mánudaginn 9. mars kl.20:30

Heitt verður á könnunni svo og eitthvert andlegt fóður verður á boðstólum.

Svo tökum við nokkur nálspor, prjónum nokkrar lykkjur eða bara spjöllum saman og höfum það gaman

                                 Nefndin

Aðalfundur

Kvenfélagið Sif

Aðalfundur miðvikudaginn 4. mars kl.19.00 í F.H.P

1. Fundur settur

2. Inntaka nýrra félaga

3. Skipun fundarstjóra

4. Fundargerð síðasta aðalfundar

5. Reikningar félagsins lagðir fram

6. Skýrsla stjórnar.

Súpuhlé

7. Skýrslur nefnda

8. Stjórnarkjör

9. Nefndakjör

10. Önnur mál

Munið félagsgjöldin

                                                             Stjórnin

Afmæliskveðja.

 

Í kvöld fagnar Slysavarnardeildin Unnur  því 

í Félagsheimili Patreksfjarðar

að á morgun sunnudaginn 22. febrúar verður deildin 75 ára.

Af þessu tilefni sendir Kvenfélagið Sif  innilegar  hamingju og velfarnaðaróskir.

 

Vinnudagur.

 Vinnudagur á Bjarkargötunni í dag laugardaginn 21. febrúar kl. 13:00

Á síðasta laugardag mættu nokkur galvösk, þrifu loft og veggi, gardínur voru fjarlægðar, sparslað og málað.  Heilmikið sem vannst.    Við fengum heimsókn annarra áhugasamra félagskvenna  og nutum kærkomins  félagsskapar þeirra í kaffi og heimabökuðu.

Ætlunin er að halda áfram vinnu  laugardag 21. febrúar kl. 13:00.  Endilega mætið þið sem mögulega getið og þeim sem ekki geta stoppað lengi er auðvitað velkomið eins og alltaf að kíkja við og líta á það sem verið er að gera.

Vinna er að hefjast við lagfæringar á baðherberginu, allt gert af mestu smekkvísi og útsjónarsemi.  Það er virkilega gaman að sjá hversu fínt er að verða á hæðinni okkar.

Sem fyrr er vel þegið að fá hugmyndir og muni sem gætu nýst til íbúðarinnar.

 

Sjáumst 

 

Hökull, stóla og altarisklæði

Fl. myndir í albúmi.

Nýr hökull

Á aðalfundi Kvenfélagsins Sifjar 2007 var samþykkt að gefa Patreksfjarðarkirkju nýjan hökul í tilefni 100 ára afmælis hennar 19. maí 2007.

Nú er hökullinn kominn og verður vígður við guðsþjónustu sunnudaginn

15. febrúar n.k. kl. 14:00.

Gaman væri að sjá sem flestar kvenfélagskonur við guðsþjónustuna

Vinnudagur á Bjarkargötu 7.

 

 

 

 

 

 

Næstkomandi laugardag þ. 14. febrúar kl. 13:00  ætlum við  að hittast og taka aðeins til hendinni í íbúðinni okkar. 

Komast með því nær því takmarki  að gera íbúðina  í stand fyrir vorið en undirbúningur við það er kominn á skrið.

Við biðjum konur að mæta sem flestar því eins og við þekkjum allar svo vel þá vinna margar hendur létt verk.

Að sjálfsögðu verður heitt á könnunni. 

 

                                                  Sjáumst